دواير حمرا سما سامح

رفعت التليفون وقالت:

ـ فريق كامل يطلع على فيلا عيلة مراد... محدش يدخل أو يخرج... والبدروم يتفتح فورًا.

كنت قاعدة قدامها، وإيديا بتترعش.

لكن فجأة افتكرت حاجة خلتني أقف.

ـ استني...

بصتلي.

قلت بسرعة:

ـ لو هم كانوا عايزين بصماتي قبل الليلة... يبقى أكيد في حاجة هتتعمل الليلة نفسها... مش مجرد سرقة.

في اللحظة دي دخل ظابط يجري وهو بيقول:

ـ لقينا كاميرات المرور... عربية منى خرجت من الفيلا من ساعة، وراحت مخزن قديم في المنطقة الصناعية.

المقدم لينا فهمت فورًا.

ـ المخزن... مش البيت.