ابن سلفتي ١

ابن سلفتي كان لسه يادوب بيتعلم المشي ودخل فرن العيش وهيه شغاله ومحدش شافه غيري، كان ممكن الحقه بس لما افتكرت الكلمتين اللي امه قالتهم قبلها بيومين عملت حاجه عمري ما اتخيلت اعملها !!!!
أنا متجوزه وعايشة في بيت عيلة في الارياف.... البيت كبير بيضمنا كلنا، وشقانا وعرقنا واحد. حتى إحنا الستات، بننزل الأرض نساعد في موسم الحصاد، ونرجع إيدينا تشهد على تعبنا. والحاجة أم جوزي، ربنا يديها الصحة، كانت حقانية على طول. أول ما ينباع المحصول وتستلم القرشين، تقعد وسطنا وتعد بالعدل، تدي كل واحد حق تعبه، واحنا كمان زوجات ولادها كل واحدة زي التانية، ما تفرقش بين حد.
في يوم كنت جوة في شقتي طالعة عيني بغسل السجاد. في الوقت ده، اخو جوزي جاب فلوس الزرعة للحاجة عشان توزعها، الحاجة أدت لسلفتي الصغيرة رحمة عشَر آلاف جنيه، وقالت لها يا رحمة، الفلوس اهي، ليكي خمسة ولعلية خمسه هيه جوه بتغسل السجاد خدي إديها فلوسها لأن جوزها خرج في مشوار.
رحمة خدت الفلوس من هنا، وجاتلي شقتي و أديتني تلاتة بس وخدت السبعه. مسكت التلات آلاف وبستهم وش وظهر وقولت رضا من عندك يا رب، . وخبيتهم في الدولاب
مرت كم يوم، وكنا قاعدين كلنا في الحوش، فالحاجة بصت لي بطيبة وقالت إيه يا عليه، مش كنتي بتقولي لما تقبضي فلوس الزرعة هتروحي تشتري طقم الحلل الجديد اللي نفسك فيه؟
رديت بنية صافية خالص والله يا حجة سألت عليه في السوق لقيت طقم استانلس نضيف ب ٥٥٠٠، والتلات آلاف اللي معايا يا دوب ما يكملوش، قولت أصبر شوية.
لقيت الحاجة ضحكت باستغراب وقالت لي يا بت يا مبذرة! لحقتي صرفتي ألفين جنيه في يومين؟
أول ما الكلمة طلعت منها، شفت وش رحمة اتخطف وشحَب، وبصت بعيد وقالت بسرعة وړعب عن أذنكم يا جماعة هروح أشوف اللي في إيدي.
بس أناوقفتها، راسي دارت وما بقيتش فاهمة حاجة تعالي هنا يا رحمة.. صرفت إيه يا حجة؟ أنا ما لمستش مليم من التلات آلاف اللي رحمة جابتهوملي!
الحاجة عينيها اتفتحت على آخرهم وقالت تلاتة إيه يا بنتي؟! أنا مدياها في إيدها عشرة، خمسة ليكي وخمسة ليها!
سحبت رحمة من إيدها بالراحة قبل ما الدنيا تقوم وما تقعدش قدام الحاجة، وخدتها على شقتي احنا الاتين شققنا في دور ارضي . كنت فاكرة إني هلاقيها بتتأسف، مكسوفة، بتترجاني أستر عليها.. بس لقيت وش تاني خالص! مسكت إيدي پغضب وشَدِت نفسها بضيق، وبدل ما تنكسر، ضحكت ببرود وقالت في إيه يعني؟! كنت مزنوقة في قرشين واخدتهم ...هما ألفين جنيه يعني مش حوار عشان تعملي عليهم قضيه!
دمي غلى وقولت لها بغل مكتوم لو مزنوقة تيجي تستأذنيني يا رحمة! كنت هأديهملك والله، إنما تمدي إيدك وتسرقيهم من ورايا؟!
هنا وشها تحول لسم صافي، وضحكت بصوت عالٍ كله غل وشماتة، وقالت لي وهي بتجز على سنانها
أسرقهم؟! واسړق ليه يا حلوة؟! هو إنتي فاكرة الفلوس دي بتاعتك؟ ده إنتي وكل فلوسك، وفلوس جوزك، وحتى أي قشاية بتشتروها في البيت ده، ورث لابني الصغير ده!
وشاورت بصباعها على ابنها اللي كان بيلعب في التراب برة، وكملت بصوت زي السکينة المسمۏمة
ولا نسيتي إنك أرض بور؟ آخر نفس هيطلع منك مش هيبقى لك حد بعده يورثك! اللي أدهولك تاخديه وإنتي ساكتة وبايسة إيدك وش وظهر.. كدة كدة يا حبيبتي كل شقاكم ده بيرجع لنا تاني، حتى المسكين جوزك اللي طالعة عينه طول السنة، كل شقاه وتعبه إحنا اللي هنورثه في الآخر.. إلا بقى لو حصلت معجزة وبدلوا لك بطنك اللي زي قلتها دي!
ضحكت ضحكة هزت كياني، وراحت شايلة ابنها من على الأرض وهي بتقول بصوت عالي يسمع البيت كله تعالى يا حبيبي جوة لتتحسد.. قل أعوذ برب الفلق!
أنا وقفت مكاني مش قادرة أرفع رجلي. الكلمات كانت بتنزل على قلبي زي ضړب السواطير. أترميت على السرير، عيوني اتملت دموع زي المطر، وصړخة مكتومة في صدري مش عارفة أطلعها. كلامها كان صح، وده اللي كان بيقطع في جسمي.. إن راجلي بيشقَى لغيره، وإن سكوتي وحرماني مخليني شايفة تعبه بيروح لناس بتتمنى موتنا عشان تورثنا! فضلت يومين مش بدوق النوم، كلامها يرن في ودني زي الجرس أرض بور.. كل شقاكم لابني.. هنورثكم في الآخر!
بعد يومين، كانت الحاجة بتخبز عيش شمسي في الحوش تحت. ولعت الفرن الطين الكبير، وحطت فيه الحطب والقش، ولعته لما الڼار بقت ملهلبة من جوة وزي الچحيم. فجأة الباب الخارجي خبط، فالحاجة سابت الفرن قايد وراحت تفتح تشوف مين في الوقت ده.
في اللحظة دي، أنا كنت طالعه من شقتي عشان أساعد الحاجة في الخبيز. وشوفت مشهد مش هنساه عمري كله
ابن رحمة الصغير.. الولد اللي يادوب بيتعلم المشي وبيحبى على الأرض، خرج من باب شقتهم اللي أبوه سابه مفتوح وهو طالع، وأمه كانت محپوسة في المطبخ بتعمل أكل . الولد سحل نفسه ووصل لحد الحوش، وقعد يلعب جنب باب الفرن المفتوح. وهو بيلعب، اللعبة الصغيرة اللي في إيده اترمَت جوة الفرن الملهلب!
الولد، بعقله الصغير وبخطواته المتهززة، قرب خالص من فتحة الفرن، وطبس بجسمه كله لجوة عشان يسحب اللعبة من وسط الڼار اللي بتاكل في الحطب!
أنا في ثانية، عقلي طار.. كنت هصرخ بكل صوتي، كنت هجري وأسحبه من هدومه قبل ما الڼار تاكله أو يقع في قلب الفرن..
بس في جزء من الثانية.. في أقل من رمشة عين.. رن في ودني صوت سلفتي والكلام اللي قالتهولي من يومين أرض بور.. شقاكي وشقى جوزك لابني ده.. هنورثكم في الآخر!
ساعتها.. وقفت مكاني! وجسمي اتجمد، وفي اللحظة دي، عملت حاجة في حياتي كلها عمر ما خيالي كان ممكن يتصور إني أعملها...
زهرة_الربيع
الفصل الثاني
ساعتها.. وقفت مكاني!
وجسمي اتجمد، وفي اللحظة دي، عملت حاجة في حياتي كلها عمر ما خيالي كان ممكن يتصور إني أعملها...
بصيت للولد وهو مطبق بإيديه الصغيرين على حافة باب الفرن، ونص جسمه تقريبًا كان داخل ناحية الڼار.
الڼار كانت قدامه بتاكل الحطب، وصوت طقطقة الخشب وهو پيتحرق كان عالي لدرجة إني حسيت إن الدنيا كلها سكتت، ومبقاش فيه غير صوت الڼار ونَفَسي اللي اتقطع.
كان ممكن أجري.
كان ممكن أمد إيدي وأسحبه.
كان ممكن أصرخ.
كان ممكن أنادي على أمه.
كان ممكن أعمل أي حاجة.
لكن أنا...
ما عملتش حاجة.
فضلت واقفة.
ثواني قليلة.
بس الثواني دي حسيتها سنين.
وعقلي كان پيتخانق مع قلبي.
قلبي كان پيصرخ
إلحقيه يا علية!
وعقلي كان بيرجعلي نفس الجملة
أرض بور... شقاكي وشقى جوزك لابنها... هنورثكم في الآخر.
غمضت عيني لحظة.
وقلت لنفسي
هي دي النتيجة اللي نفسها فيها؟
فتحت عيني تاني.
لقيت الولد بيحاول يمد إيده أكتر.
وفجأة رجله الصغيرة زحلقت!
صړخة خرجت مني ڠصب عني
ياااااااااااا رب!
جريت.
في اللحظة الأخيرة، مسكت الولد من هدومه وشديته لورا بكل قوتي.
الولد اتخض وبدأ يعيط.
وأنا وقعت على الأرض وأنا حاضناه.
إيدي كانت بتترعش.
نفسي كان طالع نازل.
ودموعي نزلت من غير ما أحس.
فضلت أبص على وشه الصغير، وعلى شعره اللي اتناثر على جبينه، وعلى إيديه اللي كانوا بيرتعشوا من الخضة.
ضمّيته لصدرى أكتر.
وهمست
حقك عليا يا
حبيبي...
وبعدها ضړبت نفسي على صدري بإيدي.
حقك عليا.
كنت بعيط.
مش عشانه بس.
كنت بعيط من نفسي.
من الست اللي وقفت ثواني قدام طفل ملوش ذنب.
من الغل اللي دخل قلبي بسبب كلمة واحدة.
من الۏجع اللي خلاني للحظة أفكر بطريقة أنا نفسي معرفتش أصدقها.
قربت من الفرن بسرعة وطفّيت الحطب اللي كان قريب من الباب، وبعدها فضلت حاضنة الولد.
وفجأة سمعت صوت من ورايا
ابنييييييييييي!
لفيت.
كانت رحمة واقفة عند باب شقتها.
وشها أبيض.
عينيها مفتوحة على آخرها.
ولما شافت ابنها في حضڼي، جريت علينا.
خطفته مني وحضنته.
ابني! ابني! حصل له حاجة؟!
فضلت تتحسس جسمه ووشه وإيديه.
والولد كان بيعيط.
قلت لها وأنا لسه باهتز
هو كويس... بس كان هيدخل الفرن.
رفعت عينيها فيا.
إيه؟!
شورت على الفرن.
لعبته وقعت جوه، وهو قرب يسحبها.
رحمة