عمي بيشتغل جزار

عمي بيشتغل جزار وكل جمعه يجبلنا 15 كيلو لحم بحالهم للاسبوع ،وكل ما امي تقوله اللحم ده مبيستويش بسهوله يقولها اصل ده بقر اسكتلندي بستورده مخصوص ، لكن في عزومة العيله اول ما عمي داق منه اڼفجر في قئ متواصل وكان ھيموت من الړعب!!!!!
من خمس سنين لما ابويا اتوفى كان عمري وقتها يادوب ١٣ سنه، وماما ست غلبانة ملهاش في الدنيا غيرنا، وأخويا الصغير كان لسه بيحبي. الدنيا اسودت في وشنا، وحسينا إننا في مركب بټغرق ومفيش طوق نجاة، لحد ما ظهر عمي عبد الصمد.
عمي عبد الصمد ده كان أخو بابا الكبير، راجل ملو هدومه، شهم وطيب وحنين بشكل ميتوصفش. من يوم العزا وهو حلف يمين عظيم إننا في رقبته ليوم الدين، وإن غياب أخوه مش هيحسسنا بأي نقص. وفعلاً، كان هو السند، بيخلص لنا كل ورق المعاش، بيعدي علينا يوماتي يطمن، وأي مشوار أو مصلحة كان هو اللي بيقف فيها.
عمي شغال جزار، عنده محل كبير، وعشان كده كان كل يوم جمعة بعد الصلاة، نلاقي الباب بيخبط، وعمي داخل علينا بكيسين بلاستيك كبار، وزنهم مبيقلش عن ١٥ كيلو لحمة حتة واحدة!
ماما في الأول كانت بتتكسف جداً، وتقعد تضحك وهي مكسوفة وتقوله يا أبو محمد ده كتير.. كتير قوي يا خويا، حتى كفاية سبعة كيلو، ده لو هناكل كل يوم لحمة إحنا في الأول والآخر تلت أنفار يعني، هيقعدوا يعملوا إيه في التلاجة كل ده؟
كان يرد عليها بضحكة واسعة وكرم يا أم سيف متكسفينيش، ده يادوب يكفوكم الأسبوع، أنا عايزكم تعملوا كل اللي نفسكم فيه، كلوا واتغذوا، لحم أخويا مياكلش من بره أبداً طول ما أنا فيا نفس.
كنا بنفرح طبعاً، بس الصراحة.. اللحم بتاع عمي ده كان غريب شوية. كان أحمر صافي، مفيهوش نقطة دهن بيضا ولا عروق، وشكله يختلف عن أي لحمة بنشوفها عند الجزارين. والمشكلة الأكبر كانت في تسويته، ماما كانت تحطه على الڼار من الضهر، ميستويش ويبقى دايب غير على العصر! ياخد بالتلث والأربع ساعات غليان على الڼار عشان نقدر نمضغه.
ولما ماما كانت تسأله يا عبد الصمد هي اللحمة دي بتطول كده ليه على الڼار؟ أنا بهلك أنبوبة البوتاجاز عليها!
كان يضحك بفخر وينفخ صدره ويقولها يا ستي إنتي مش فاهمة، أصل ده بقر اسكتلندي، أنا بستورده مخصوص من بره، مفيش جزار في البلد بيجيبه غيري، اللحم ده صحي جداً ومفيش في طعامته، عشان كده بياخد سوا شوية، بس كلوه وادعولي.
الجمعة اللي فاتت، كان عندنا عزومة كبيرة، لمة العيلة كلها عندنا. ماما عزمت عمي عبد الصمد، وخالي ومراته وعياله، وعمتي وعيالها. البيت كان مليان دفا وضحك وريحة الطبيخ جايبة لآخر الشارع. اللحمة اللي عمي كان جايبهالنا كانت كتير، وماما طلعت كمية محترمة وعملت صواني وطواجن.
وإحنا ملهيين في المطبخ، الباب خبط، فتحت لقيت عمي عبد الصمد جاي بدري شوية. دخل المطبخ وبص حواليه، وبعدين مد إيده واداني كيس أسود صغير فيه يجي كيلو لحمة، ووطى صوته وقالي
خدي يا بنتي، اللحمة دي اطبخيها ليا أنا في حلة صغيرة بعيد عن اللحم بتاعكم اللي هتطبخوه.
استغربت وقولتله ليه يا عمي؟ ما إحنا طابخين لحمة كتير من اللي إنت جايبهالنا والخير ياما.
رد بسرعة أصل أنا مباكلش اللحم المستورد ده، بيجيبلي حړقان في معدتي وحموضة بټموتني، فالكيلو ده أنا اشتريته من جزار صاحبي بيدبح عجول مصرية بلدي، اطبخيهولي لوحدي عشان أقدر آكل معاكم.
أخدت منه الكيس
وقولتله حاضر يا عمي من عينيا.
وفعلاً، حطيت اللحمة بتاعته في حلة صغيرة على عين البوتاجاز اللي ورا، وسبتها تستوي. بعد ساعتين، كنت بظبط الأكل، وجيت أنزل حلة عمي من على الڼار عشان أغرفله.. إيد الحلة كانت سخنة ڼار، الفوطة زحلقت من إيدي، وفي لحظة، الحلة فلتت ووقعت كلها على الأرض! الشوربة المغلية طرطشت في كل حتة، واللحمة اتكبت على بلاط المطبخ، وأنا يادوب نطيت لورا بأعجوبة قبل ما الشوربة تسلخ رجلي.
على صوت الخبطة ماما جريت مڤزوعة يا لهوي! إيه اللي حصل يا بنتي؟ إنتي كويسة؟
ولما اتأكدت إني سليمة، بصت للحمة اللي في الأرض ولطمت على صدرها يا نهار اسود، هنعمل إيه في عمك دلوقتي؟ نغسل اللحمة دي ونطبخها تاني ولا نعمل إيه؟
قولتلها بثقة بتاعة عيال نغسل إيه يا ماما دي باظت خلاص، متشيليش هم، أنا هصبله من اللحم الاسكتلندي بتاعنا في طبق لوحده ومستحيل يلاحظ الفرق.
ماما خاڤت وقالتلي يا بنتي لا، لاحسن معدته تتعبه زي ما قالك.
ضحكت وقولتلها يا ماما مټخافيش، على ضمانتي! هو بيتعب بس عشان هو معتقد إن اللحم المستورد بيتعب، ده مجرد وهم نفسي.. لو أكل وهو ميعرفش، والله ما هيحس بحاجة ولا معدته هتوجعه.
وفعلا، العيلة كلها اتجمعت، السفرة اتفرشت، والكل قعد يهزر ويضحك. صبينا الأكل للكل، وحطيت قدام عمي طبق مليان لحمة من بتاعتنا. وهو بيمسك المعلقة، شدني من دراعي وهمس في ودني دي اللحمة البلدي اللي جبتهالك؟
بلعت ريقي بتوتر وابتسمت آه يا عمي، طبختها في حلة لوحدها زي ما قولتلي.
ابتسم واطمن، وسمى الله وبدأ ياكل بشهية مفتوحة.
القعدة كانت كلها هزار، عمتي بتبص للسفرة المليانة وبتضحك وتقول لماما إيه يا أم سيف العز ده كله؟ كل دي لحوم وصواني؟ مين مسك قلبك وخلاكي تصرفي كده؟
ماما بصت لعمي بامتنان وقالت بضحك هو أنا لولا اللحم اللي بيجيبهولنا عبد الصمد كتر ألف خيره ماكنت عرفت أعزمكم، ده بيجيب كتير وفايض كمان، ربنا يخليهولنا.
خالي أمن على كلامها وقال آه والله، ربنا يكرمه ويوسع رزقه، ده بيجيبلنا كلنا ومغرقنا.
وعمتي كملت ده حبيبي وأخويا، مش مخليني أحتاج أروح لجزار أبداً والله.
عمي كان عمال ياكل من طبقه، بيمضغ اللحمة باستمتاع، ومسح بقه بمنديل وقال بفخر طول ما أنا عايش وعلى وش الدنيا بإذن الله، مش هخليكم تحتاجوا تشتروا كيلو لحمة واحد من بره، إنتو لحمكم من دمي.
الكل قعد يدعيله من قلبهم، وهو كان في قمة سعادته.
بعد ما خلصنا أكل، شلنا الصواني ونضفنا السفرة، وعملنا الشاي وبدأنا نشرب وإحنا بنتفرج على التليفزيون وبنضحك. بصيت لعمي ولقيته قاعد مرتاح ومبسوط، فقلت أهزر معاه وأثبتله إن كلامي كان صح.
قربت منه وقولتله بضحك ومكر إيه يا عمي؟ حاسس بحاجة ۏجعاك؟ معدتك فيها حړقان؟
استغرب سؤالي وقالي وهو بيشرب الشاي أبداً والله يا بنتي، ده أنا أصح يوم ليا النهاردة، قعدتكم دي بتشفي العليل.
ضحكت بصوت عالي وقولتله أصل أنا عملت حاجة ومقدرش أنام وأنا مخبياها عليك.. بصراحة، اللحمة البلدي اللي إديتهاني الحلة بتاعتها وقعت مني واتكبت، فصبيتلك من اللحم الاسكتلندي بتاعنا اللي طبخناه لينا! الحمد لله أهو إن مجالكش حړقة معدة ولا حموضة ولا حاجة، وطلعت نفسية بس!
كنت مستنياه يضحك، أو حتى يشتمني بهزار... بس اللي حصل كان مرعب.
الكوباية وقعت من إيد عمي اتدشدشت على الأرض. وشه اللي كان بيضحك من ثانية، لونه اتخطف.. بقى أصفر، عينيه وسعت بشكل مخيف كأنها هتخرج من مكانها، والدموع اتجمعت فيها بسرعة
غريبة.
بصلي بړعب، وقرف شديد وارتجاف قال
إنتي... إنتي أكلتيني من اللحم اللي بجيبهولكم؟!!
الكل سكت. الضحك اتقطع. أنا مبقتش عارفة أنطق، مفهمتش ليه رد فعله مرعب كده. وفي ثانية واحدة، لقيته قام من مكانه زي المچنون، ھجم عليا و مسكني من رقبتي، كان عايز ېخنقني بجد، صوابعه كانت بتغرز في لحمي وهو پيصرخ بصوت مش صوته
يا بنت الكلب!! يا بنت الكلب!!
الكل اتفاجأ وقاموا يجروا، خالي وعيال عمتي بقوا يحوشوه عني بالعافية، وماما شدتني لحضنها وهي بتصرخ مش فاهمة في إيه. وقبل ما حد يقدر يسأله مالك، عمي سابنا، وجري زي الملسوع على الحمام...
صوت ترجيع عڼيف، متواصل .. كان بيتقيأ بقوة كأن روحه بتطلع منه، والړعب.. الړعب الصافي كان محفور على وشه بطريقة عمري، عمري ما هقدر أنساها.
الفصل الثاني
صوت الترجيع اللي طالع من الحمام كان عامل زي الکابوس.
مش مجرد واحد معدته تعبت من الأكل.
لأ...
كان صوت واحد پيتخانق مع المۏت.
كل شوية نسمع عمي عبد الصمد يشهق، وبعدها صوت ترجيع عڼيف، وبعدها كحة مكتومة، وبعدين صمت ثواني، فنفتكر إنه وقع أو حصله حاجة.
ماما كانت واقفة ماسكاني من كتافي، وأنا لازقة فيها وجسمي كله بيرتعش.
خالي بص لنا، وبعدها بص ناحية الحمام وقال
حد يدخل له!
عمتي صړخت
استنى يا محمود! ما يمكن يقع جوه!
خالي قرب من باب الحمام وخبط جامد
يا عبد الصمد! افتح الباب يا أخويا!
مفيش رد.
خبط تاني.
عبد الصمد!
المرة دي سمعنا صوت ضعيف جدًا
متدخلش...
خالي بص لنا باستغراب.
طب افتح بس نشوفك.
قولتلك متدخلش!
صوته كان مبحوح ومخڼوق.
عمتي حطت إيدها على بوقها وقالت
ده شكله تعبان أوي.
أنا كنت لسه مش فاهمة حاجة.
كل اللي في دماغي سؤال واحد
هو ليه عمل كده؟
ليه لما عرف إني أكلته من اللحمة اللي بيجيبهالنا، انهار بالشكل ده؟
إيه اللي يخوف في اللحمة؟
وإيه اللي يخليه يحاول ېخنقني؟
أنا كنت فاكرة إن الموضوع كله حكاية البقر الاسكتلندي، وإن عمي مقتنع إن اللحمة دي بتتعب معدته.
بس رد فعله كان أكبر من كده بكتير.
أكبر من مجرد حموضة.
أكبر من حساسية.
أكبر من أي حاجة ممكن أتخيلها.
بصيت لماما وقلت بصوت مرتعش
ماما... هو ماله؟
ماما كانت هي نفسها مش عارفة.
قالت
معرفش يا بنتي... معرفش.
وبعدين بصت ناحيتي فجأة وكأنها افتكرت حاجة.
إنتي قولتي له إيه بالظبط؟
قولتله إن الحلة البلدي وقعت، وإن أنا حطيتله من اللحمة بتاعتنا.
خالي سمعنا فقال
وإيه المشكلة؟ دي نفس اللحمة اللي كلنا أكلنا منها.
سكتنا.
الجملة دي وقعت علينا كلنا تقيلة.
نفس اللحمة اللي كلنا أكلنا منها.
عمي كان بيتقيأ لأنه عرف الحقيقة.
بس إحنا؟
إحنا أكلناها عادي.
يعني لو اللحمة فيها حاجة...
ليه هو بس اللي انهار؟
ولا يمكن...
يمكن المشكلة مش في اللحمة نفسها.
يمكن المشكلة في مصدر اللحمة.
بصيت ناحية المطبخ.
الكيس الأسود اللي عمي كان جايبهولي كان لسه مرمي جنب التلاجة.
الكيس اللي قال إنه فيه لحمة بلدي.
وقتها لأول مرة حسيت إن الكيس ده شكله يخوف.
مش عارفة ليه.
يمكن عشان بعد اللي حصل، كل حاجة بقت تخوف.
ماما قالت
يا محمود، كلم دكتور.
خالي طلع موبايله فورًا.
لكن قبل ما يتصل، باب الحمام اتفتح.
عمي خرج.
يا نهار أبيض...
أنا عمري ما شفت إنسان شكله كده.
وشه كان أبيض بشكل مرعب، عرقان، شفايفه زرقا تقريبًا، وإيده ماسكة طرف الباب.
مش قادر يقف.
خالي جري عليه
مالك يا عبد الصمد؟
عمي رفع إيده وقال
مفيش... مفيش.
إنت بترجع دمك!
قلتلك مفيش.
ماما قربت منه
طب نقعدك يا خويا.
هو أول ما شافني رجع خطوة لورا.
الحركة دي لوحدها خلت قلبي يقع.
بصلي پخوف.
مش ڠضب.
خوف.
وكأن أنا اللي بقيت حاجة مرعبة بالنسباله.
قال
إنتي... إنتي أكلتي منها؟
أنا اتلخبطت.
أكلت إيه؟
اللحمة.
آه... كلنا أكلنا.
وشه اتغير تاني.
مسك رأسه بإيده.
يا ساتر يا رب...
خالي مسكه من دراعه
في إيه يا عبد الصمد؟ فهمنا!
عمي بص له.
ولثواني حسيت إنه