علقه الدخله سما سامح
الكلام وقف في زورها، وعلبة الشيكولاتة وقعت من إيدها اتدشدشت على الأرض.
المشهد اللي قدامها مكانش محتاج شرح: ابنها السبع، "مدحت" الباشا، متثبت على بطنه زي السجادة، دراعه ملوى ورا ضهره، وعروسته ميرفت واقفة فوق دماغه بفستان الفرح، من غير هيلز، وبكل برود العالم بتبص لها وبتتسم تبسم خفيف.
"إيه ده؟! أنتِ بتعملي إيه في ابني يا مجنونة يا بنت الـ...؟!" صرخت ناهد وهي بتقدم عليه بغل.
"خطوة كمان يا حاجة ناهد، وهتسمعي صوت طقطقة دراع حبيب قلبك" قاطعتها بصوت هادي ورزين، بس فيه نبرة تخلي الدم يتجمد في العروق.
مدحت صرخ من الأرض: "الحقيني يا ماما.. ذلتني! دي طلعت بتلعب مصارعة!"
ناهد وقفت مكانها، وشها جاب ألوان، وبقت تبص للتليفون المحطوط على الركنة واللي لسه اللمبة الحمرا بتاعته بتنور وتطفي بتسجل. هنا ناهد ذكائها خانها وافتكرت إنها لسه قادرة تقلب الطاولة، فقالت بـ لؤم: "ماشي يا ميرفت.. التسجيل ده شغال، وأنا هوديكي في داهية بتهمة الشروع في قتل والتعدي على جوزك ليلة الدخلة، وهخرب بيت أهلك بالفضايح!"
ضحكت بروقان، وقرصت على دراع مدحت سِنة كمان عشان أفكره بمقامه، وقولت لها: "تؤ تؤ.. يا حاجة ناهد، أنتِ فاهماني غلط خالص. ابنك المحترم هو اللي مشغل التسجيل ده من أول دقيقة عشان يذلني بيه ويثبت إني مجنونة لو طلبت الطلاق.. يعني مسجل نفسه وهو ماسك الحزام وبيهددني وبيديني قوانين السمع والطاعة! تفتكري لو الفيديو ده راح لمباحث الإنترنت، أو نزل "تريند" على الفيسبوك بعنوان (حقيقة عريس ليلة الدخلة).. مين اللي بيته هيتخرب وفضيحتكم هتبقى بجلاجل في السوق والمنطقة؟"
وش ناهد قلب أبيض زي ملابس الفرح. الخطة المطبوعة في المطبخ بين الأم وابنها اتقلبت سلاح دمار شامل ضدهم.
وطيت بركبتي ضغطت على ضهر مدحت، وجمعت الورق الأصفر اللي في الأرض وحطيته قدام وشه، وطلعت قلم جاف من جيب روب الفرح اللي كان محطوط على السرير.
"قدامك دقيقة واحدة يا مدحت.. تمضي على تنازل عن كل حقوقك، ورقة طلاق ع المبرأ عند المأذون اللي أنا مجهزاه، وتكتب إقرار بتسليم الشقة دي ليا كـ مؤخر صداق بدل البهدلة.. وإما الفيديو ده، مع نسخة من القوانين اللي كاتبها بخط إيدك دي، هتبقى عند المحامي بتاعي ومباحث الإنترنت قبل ما الفجر يـأذن. اختار.. تطلع براجل، ولا تطلع بفضيحة العمر؟"
مدحت كان بيبكي من الألم والخوف على برستيجه، بص لأمه بنظرة استنجاد، لكن ناهد كانت برضه "تاجر شاطر" وعرفت إن اللعبة انتهت، وإن البنت دي مش صيد سهل، دي "صقر" هيدمر مستقبل ابنها في ثانية.
ناهد شاورت له براسها وهي بتجز على سنانها: "امضي يا مدحت.. امضي الله يخرب بيتك وبيت اللي شار عليك!"
مدحت مسك القلم بإيد بتترعش، ومضى وبصم على كل الأوراق وهو مكسور ودموعه نازلة على السجادة التبريزي اللي كان خايف عليها.
أخدت الأوراق ببرود، رجعت خطوتين لورا، وسبته يقوم. وقف وهو ماسك كتفه وبيعيط من الوجع والكسرة، وأمه جريت عليه تطبطب عليه وتداري خيبته.
مشيت بكل ثقة لحد الركنة، أخدت التليفون، وقفت التسجيل، وعملت له "إرسال" على تليفوني أنا وتليفون المحامي بتاعي، وبعدها عملت "فورمات" كامل لتليفون مدحت عشان ميبقاش معاه أي مستمسك.
بصيت لهم هما الاتنين، وأنا بلبس الروب الأبيض بتاعي فوق الفستان، وقولت بابتسامة نصر: "نورتي يا حاجة ناهد.. الشيكولاتة بتاعتك تجنن. الشقة دي بتاعتي من اللحظة دي بقوة القانون والإقرار اللي ابنك مضى عليه. قدامكم بالظبط ربع ساعة، تلموا الهدوم اللي جيبتوها هنا، وتطلعوا بره.. عشان مفرشتش الشقة دي عشان أقعد فيها مع ناس متعرفش الأصول."
مدحت وباباه ومامته خرجوا من باب الشقة في نص الليل، يجروا ديل الخيبة وراهم، وعيونهم في الأرض من حارس العقار اللي شافهم وهم نازلين متبهدلين.
قعدت على الكنبة القطيفة، حطيت رجل على رجل، وشربت كاس عصير ساقع وأنا ببص لورق الطلاق المتمضي..
الحكاية مش حكاية قوة عضلات.. الحكاية حكاية "دماغ" وعزة نفس. اللي يفتكر الست حيطة مايلة، يتداس عليها.. لازم يتعلم الأدب، حتى لو كان الدرس ده في ليلة الدخلة!
تمت بحمد الله 😉🔥
